“Learn to
become the kind of partnership we would like to see in the world.”
Individuele sessies vir paartjies: "IMAGO"
(Sessies kan van mediese fondse verhaal word indien u opsie dit toelaat)
Imago... ‘n nuwe manier van liefhê.Imago is die Latyn vir image - wat "prentjie" beteken en gaan van die veronderstelling uit dat ons in ons intieme verhoudings maats aantrek op grond van ’n prentjie gevorm uit die positiewe en negatiewe karaktertrekke van ons primere versorgers(soos ouers) uit ons kinderjare.
Wanneer ons die persoon van ons drome ontmoet, vind
’n mistieke attraksie plaas en voel ons ontspanne, lewendig en heel. Kort voor
lank kruip ontnugtering en diskonneksie in en begin ons kwaad, bedrieg en
ingedoen voel. Op allerhande maniere probeer ons weer terugkry wat ons in die verliefde stadium
ervaar het, maar in die proses maak ons mekaar net meer seer deur te onttrek of
te baklei. Al hierdie vind in die onderbewussyn plaas. Hierdie pynlike magstryd kan vir baie jare aanhou,
of totdat die paartjie die keuse maak om te skei of hulp soek. Die onsigbare
egskeiding is kenmerkend hiervan.
Imago verhoudingsterapie bring, met behulp van dialoog,
groter bewuswording mee. Op ’n veilige
nie-bedreigende manier leer jy om te se wat jou pla en te vra vir wat jy graag
wil he. Maats begin mekaar met nuwe oe
sien en mekaar op ’n nuwe manier liefhe.
So kry jy die verhouding van jou drome!
Imago verhoudings terapie en teorie is gegrond op die
baanbrekers werk deur die internasionaal bekende Harville Hendrix en sy
vrou Helen LaKelly Hunt. Hulle is ook
die skrywers van ’n reeks self-help boeke vir verhoudings.
Meer op www.gettingtheloveyouwant.com
KURSUS: “Getting The Love You
Want”
In hierdie kursus begin paartjies om die geskiedenis wat elk in die
verhouding ingebring het, en wat hul saam geskep het, te verstaan en te
herstel.
Binne ‘n veilige omgewing, sonder onderbrekings en afleidings kan die
paartjie op die verhouding fokus. Die verlede word herbesoek, nuwe stories word geskryf en nuwe drome word saam gedroom. So word die
vreugde van saamwees weer herontdek.
Daar word gekyk na:
- Hoekom het ek my maat gekies?
- Hoe kan ons oop, eerlik en op ’n nie-verdedigende manier met mekaar gesels?
- Waarom frustreer ons mekaar so en druk ons mekaar se rooi knoppies?
- Hoe herstel ons ou verhoudingswonde?Hoe bring ons weer vreugde, passie en romanse in die verhouding?Hoe skep ons ‘n spasie waarbinne ons kinders kan floreer?Hoe bring ons spiritualiteit in die verhouding in?
Hierdie werkswinkel is vir julle as...
- Jul van’n goeie verhoudig’n uitsonderlike verhouding wil maak
- Jul ’n verhouding begin wat jul graag wil behou
- Die liefde wil ontvang waarna jul verlang
- Jul lang-staande konflikte’n moeilike verhouding wil hanteer
- Jul wil besluit of jul met die verhouding wil voortgaan
- Julle weet daar is iets meer as wat jul tans het...
Terugvoer na so ’n werkswinkel:
“...dat ek in so ‘n kort tydsperiode so ver kon reis
in my verhouding en dit so kon geniet het… Ek sien uit na wat voorle."
